អ្នកវិទ្យាសាស្ត្រស្រាវជ្រាវបានរកឃើញកាលពីឆ្នាំ១៩៣០ថា ៖ បរិភោគអាហារដែលមាន ជាតិខ្លាញ់តិចអាចការពារជំងឺមហារីកបាន។ ពេលនោះ ប្រជាជនក្នុងទ្វីបអាស៊ីបរិភោគជាតិខ្លាញ់ ជាមធ្យមតិចជាង២០%ក្នុងមួយថ្ងៃ ឯប្រជាជនក្នុងទ្វីបអឺរ៉ុបក្នុងមួយថ្ងៃបរិភោគជាតិខ្លាញ់លើស ពី៤០% ដូចនេះជំងឺមហារីកសុដន់នៅអាស៊ីមានតិចជាងប៉ែកអឺរ៉ុបយ៉ាងខ្លាំង។ ប៉ុន្តែ ពេលដែលប្រជាជននៅប្រទេសដែលមានកើតជំងឺមហារីកភាគតិចទៅរស់នៅប្រទេសលោកខាងលិច ការផ្លាស់ប្តូរទំលាប់ញ៉ាំអាហារ ធ្វើអោយអត្រាកើតជម្ងឺដូចគ្នានឹងប៉ែកអឺរ៉ុបផងដែរ។

ការស្រាវជ្រាវបញ្ជាក់ថា ៖ កំរិតជាតិខ្លាញ់មានទំនាក់ទំនងជាមួយអ័រម៉ូនក្នុងខ្លួន។ ក្រោយប្ដូរ ពីអាហារដែលមានជាតិខ្លាញ់ច្រើនទៅជាទទួលទានអាហារដែលមានជាតិខ្លាញ់តិច ក្នុងពេលប៉ុន្មានសប្ដាហ៍ អ័រម៉ូនក្នុងកោសិការមានការធ្លាក់ចុះ។ បរិភោគអាហារមានសារជាតិ

ខ្លាញ់ទាប និងសំរកទំងន់អាចពន្យាអាយុជីវិតអ្នកជំងឺមហារីកសុដន់បាន។ ដូច្នេះ ប្រុងប្រ

យ័ត្នការបរិភោគ អាហារត្រឹមត្រូវ មានសារៈសំខាន់អាចជួយកាត់បន្ថយការកើតមានជំងឺ

មហារីកបាន។

ជាបឋម យើងត្រូវបរិភោគអាហារគ្រប់ប្រភេទអោយសមស្រប។ ប្រភេទម្ហូបអាហារនីមួយៗមានជីវជាតិ និង បរិមាណផ្សេងៗគ្នា។ រៀងរាល់ថ្ងៃ គួរទទួលទានអាហារអោយបាន

ច្រើនប្រភេទ អោយមានសមាមាត្រចំពោះបន្លែនិងសាច់ ធានាអោយបានជីវជាតិគ្រប់គ្រាន់

ទន្ទឹមគ្នានោះដែរ ត្រូវជៀសវាងបរិភោគអាហារដែលសល់ ឬផ្អាប់ទុក និង មានជាតិ

ខ្លាញ់ច្រើនហួសកំរិត។ អាហារ ដែលមានជាតិខ្លាញ់ច្រើនដូចជា សាច់ខ្លាញ់ និងប័រជាដើម

អាចបង្កើនកំដៅខ្លាំង ធ្វើអោយយើងធាត់។ ភាពធាត់គឺជាកត្តាគ្រោះថ្នាក់មួយដែលបង្ក

អោយកើតជំងឺមហារីកសុដន់ ដូច្នេះហើយយើងត្រូវគ្រប់គ្រងការបរិភោគអាហារអោយ

បានសមស្រប។

បន្ទាប់មក យើងគួរបរិភោគគ្រប់គ្រាន់នូវអាហារដែលអាចទប់ស្កាត់ប្រឆាំងជំងឺមហារីក។វេជ្ជបណ្ឌិតជំនាញមហារីកប្រចាំមន្ទីរពេទ្យក្វាងចូវទំនើបផ្នែកមហារីកបានបង្ហាញថា៖ ក្នុង១ថ្ងៃបរិភោគសណ្ដែកសៀងអោយបាន២%ទៅ៤%នៃបរិមាណអាហារប្រចាំថ្ងៃអាចជួយការពាររាងកាយមានសុខភាពល្អ។ ក្នុងមួយខែ ទទួលទានតៅហ៊ូបាន១-៣ប្រអប់ ហានិភ័យកើតជំងឺមហា រីកសុដន់អាចកាត់បន្ថយ៥០% ទន្ទឹមគ្នានោះ គួរបរិភោគបន្លែរនិងផ្លែឈើស្រស់ឲបានច្រើន។

បរិមាណជីវជាតិក្នុងបន្លែនិងផ្លែឈើនីមួយៗមិនដូចគ្នាទេ គួរផ្លាស់ប្តូរញ៉ាំអោយបានគ្រប់មុខ បន្លែនិងផ្លែឈើមិនត្រឹមតែមានវីតាមីនC អំបូរជីវជាតិការ៉ុត អំបិលគ្មានសរីរាង្គ អំបូរជាតិសសៃរ នៅមានជីវជាតិហ្វ្លេវ៉ូនូអ៊ីដ អ៊ីឌុល និង សារជាតិអាស៊ីតក្រអូបផ្សេងទៀត សារធាតុទាំង អស់នេះអាចទប់ស្កាត់ការកើតឡើងនៃមហារីកបាន។

តាមការស្រាវជ្រាវជំងឺរាតត្បាតបានរកឃើញថា អ្នកស្រូបយកផ្សែងបារី ប្រឈមមុខនិងជំងឺ មហារីកសុដន់ច្រើនជាងអ្នកដែលមិនបានស្រូបយកផ្សែងបារី ដូច្នេះយើងត្រូវជៀសវៀងកុំពិសា បារី និងស្រូបយកផ្សែងបារី។