“ការការពារ និង ការប្រឆាំងជម្ងឺមហារីក”បានក្លាយជាប្រធានបទដែលធ្វើឱ្យមនុស្សជាតិកាន់តែមានការប្រុងប្រយ័ត្នខ្លាំង ខាងក្រោមនេះគឺអ្នកឯកទេសនៃមន្ទីរពេទ្យក្វាងចូវទំនើបផ្នែកមហារីកធ្វើការរៀបរាប់ត្រួសៗពីរូបមន្តធ្វើម្ហូបក្នុងជីវភាពប្រចាំថ្ងៃក្នុងការប្រឆាំងជម្ងឺមហារីក វាមិនត្រឹមតែងាយស្រួលប៉ុណ្ណោះទេ ថែមទាំងអាចផ្តល់នូវប្រសិទ្ធភាពយ៉ាងល្អក្នុងការការពារ និង ការប្រឆាំងជម្ងឺមហារីកបានទៀតផង។

១. ឆាម្រះ

គ្រឿងផ្សំ ៖ ផ្លែម្រះ៥០០ក្រាម ខ្ញី១ដុំ ស្លឹកខ្ទឹម១ឬស

វិធីធ្វើ ៖ លាងសំអាតម្រះឱ្យស្អាតហើយយកទៅហាន់ជាចំណិតៗ លាងសំអាតខ្ញីឱ្យស្អាតហាន់ជាចំណិតៗ លាងស្លឹកខ្ទឹមឱ្យស្អាតហាន់ជាតូចៗ។ ដាក់ខ្លាញ់ក្នុងឆ្នាំងហើយដាក់ម្រះ ខ្ញី ស្លឹកខ្ទឹមឆាត្រឡប់ទៅត្រឡប់មក ដាក់អំបិលឆាឱ្យឆ្អិនចូលគ្នាជាការស្រេច។

ភាពស័ក្តិសិទ្ធនៃចំណីអាហារ ៖ ស័ក្តិសមចំពោះអ្នកជម្ងឺមហារីកប្រដាប់បន្តពូជបុរស វាមានប្រសិទ្ធភាពបញ្ចុះកំដៅ បន្សាបជាតិពុល បំប៉នរណ្តើក និង ក្រពះ។

២. ស៊ុតក្រឡុកផ្សិត

គ្រឿងផ្សំ ៖ ផ្សិត ស៊ុត ខ្លាញ់ អំបិល-ល-។

វិធីធ្វើ ៖ យកផ្សិតចិតជាចំណិតតូចៗ ត្រលប់ផ្សិតនឹងខ្លាញ់ឱ្យឆ្អិនរួចដួសចេញ ដាក់អំបិល ប៊ីចេងចូល គោះស៊ុតដាក់ចូលរួចច្របល់ ចៀនស៊ុតជាបន្ទះស្តើងៗ រួចខ្ចប់នឹងផ្សិត ហើយយកទៅចៀនម្តងទៀត ហើយដួសដាក់ក្នុងចានជាការស្រេច។

ភាពស័ក្តិសិទ្ធនៃចំណីអាហារ ៖ ស័ក្តិសមនឹងអ្នកជម្ងឺដែលខ្វះរសអាហារបន្ទាប់ពីធ្វើការវះកាត់ដោយថ្នាំព្យាបាលមហារីក និង ព្យាបាលដោយវិទ្យុសកម្ម វាមានឥទ្ធិពលធ្វើឱ្យញ៉ាំបាយឆ្ងាញ់។

៣. ឆាទំពាំងនឹងផ្សិតជាមួយសាច់ជ្រូក និងស៊ុត

គ្រឿងផ្សំ ៖ ទំពាំង២៥០ក្រាម ផ្សិត៣០ក្រាម សាច់ជ្រូកសុទ្ធ១២០ក្រាម ស៊ុត១គ្រាប់ ស្លឹកខ្ទឹម១ឬស។

វិធីធ្វើ ៖

(១) លាងសំអាតទំពាំង និង ផ្សិតឱ្យស្អាត។ លាងស្លឹកខ្ទឹមឱ្យស្អាតហើយហាន់វា។ សាច់ជ្រូកសុទ្ធលាងឱ្យស្អាតហើយហាន់ជាចំណិតៗច្របល់ជាមួយស៊ុត។

(២) ដាក់សាច់ដែលហាន់រួចចូលទៅក្នុងខ្ទះរួចឆាឱ្យវាឆ្អិន ហើយដួសឡើង។

(៣) ដាក់ស្លឹកខ្ទឹមឆាហើយដាក់ទំពាំង ផ្សិតឆាបញ្ចូលគ្នាឱ្យឆ្អិន រួចដាក់សាច់ ដាក់អំបិល ប៊ីចេងឆាត្រលប់ជាមួយគ្នាជាការស្រេច។

ភាពស័ក្តិសិទ្ធនៃចំណីអាហារ ៖ ស័ក្តិសមនឹងអ្នកជម្ងឺមហារីកដែលខ្សោយក្រពះ វាអាចការពារលំពែង និងមានប្រសិទ្ធភាពចំពោះក្រពះ និងពោះវៀន។

អ្នកឯកទេសនៃមន្ទីរពេទ្យក្វាងចូវទំនើបផ្នែកមហារីកបានរំលឹកថា ៖ រូបមន្តធ្វើម្ហូបក្នុងការការពារ និង ការប្រឆាំងជម្ងឺមហារីកគ្រាន់តែអាចជួយសំរួលសុខភាពបានខ្លះប៉ុណ្ណោះ ប្រសិនបើជួបប្រទះកើតមានជម្ងឺនៅតែគួរប្រញាប់ទៅធ្វើការព្យាបាលនៅមន្ទីរពេទ្យ។