សុដន់ធ្វើអោយបង្ហាញចេញនូវភាពទាក់ទាញនិងភាពស្រស់ស្អាតរបស់មនុស្សស្រី ប៉ុន្តែ ពេលនេះករណីថ្មីៗជាង៣០០០ករណីនៃជម្ងឺមហារីកសុដន់ មានការកើនឡើងយ៉ាងរហ័សជារៀងរាល់ឆ្នាំ ហើយក្លាយជាជម្ងឺដ៏គួរអោយខ្លាចដែលបំផ្លាញសុខភាពស្រ្តីភេទ។ អ្នកឯកទេសមន្ទីរពេទ្យក្វាងចូវទំនើបផ្នែកមហារីកបានក្រើនរំលឹក ៖ ស្ត្រីភេទគួរតែបង្កើនការយកចិត្តទុកដាក់ចំពោះសុខភាពសុដន់ខ្លួនឯង ព្រមទាំងឆាប់ការពារ ឆាប់បានដឹង និងឆាប់ព្យាបាល។

គួរធ្វើយ៉ាងណាទើបឆាប់ដឹងថាមានជម្ងឺមហារីកសុដន់

អ្នកឯកទេសជម្ងឺមហារីករបស់មន្ទីរពេទ្យក្វាងចូវទំនើបផ្នែកមហារីកបញ្ជាក់ថា ៖ ការពិនិត្យដំណាក់កាលដំបូងមានសារៈសំខាន់ណាស់។ ការពិនិត្យលើកដំបូងបូករួមការឆ្លុះអេកូរឺ ការពិនិត្យដោយវិធីគៀប ព្រមទាំងការពិនិត្យដោយខ្លួនឯងជារៀងរាល់ខែ។ ជម្ងឺមហារីកសុដន់អាចពិនិត្យដឹងក្នុងដំណាក់កាលដំបូង ដោយឆ្លងកាត់ការឆ្លុះកាំរស្មីអ៊ីចនិងការពិនិត្យផ្សេងៗអាចពិនិត្យដឹងមុនពេលស្ទាបដឹង ឆាប់ដឹងថាមានដុំសាច់តូចជាង២សង់ទីម៉ែត្រ។ ប្រសិទ្ធភាពនៃការព្យាបាលជម្ងឺមហារីកសុដន់គឺល្អណាស់បើអ្នកឆាប់បានដឹង និងឆាប់ពិនិត្យ។

នៅស្ថានភាពជាក់ស្តែង មហារីកសុដន់សម្តែងចេញនៅដុំសាច់ដែលគ្មានការឈឺចាប់ ពេលពិនិត្យខ្លួនឯងនិងពិនិត្យសុខភាពឃើញថារឹង រឺមានដុំសាច់ចំលែក និងកូនកណ្តុររាងធំនៅក្រោមក្លៀកគឺសុទ្ធតែត្រូវការទៅមន្ទីរពេទ្យពិនិត្យមើល។ ស្ទាបមិនឃើញដុំសាច់ អាចធ្វើការពិនិត្យឆ្លុះកាំរស្មីអ៊ីច ក្រៅពីនេះនៅអាចឆ្លុះអេកូ MRI រឺការពិនិត្យផ្សេងៗទៀត បើចាំបាច់ត្រូវដំណើរការច្រឹបយកសាច់ធ្វើកោសល្យវិច័យ។ ផ្តល់យោបស់អោយស្ត្រីភេទទៅមន្ទីរពេទ្យទទួលការពិនិត្យសុដន់តាមពេលកំណត់មួយ ស្ត្រីអាយុជាង៣០ឆ្នាំអាចទៅពិនិត្យ ១ទៅ២ឆ្នាំម្តង ស្ត្រីអាយុ៤០ឆ្នាំឡើងផ្តល់យោបល់អោយពិនិត្យមួយដងជារៀងរាល់ឆ្នាំ។

គួរទប់ទល់នឹងជម្ងឺមហារីកដោយវិធីណា?

ទប់ទល់នឹងជម្ងឺមហារីកសុដន់ ត្រូវតែមានឥរិយាបទនិងទំលាប់រស់នៅដែលមានសុខភាពល្អ។ ដំបូងត្រូវរក្សាអារម្មណ៍រីករាយ អារម្មណ៍មិនល្អអាចប៉ះពាល់ដល់ប្រព័ន្ធជាច្រើននៅក្នុងខ្លួនប្រាណ។ មានជម្ងឺនេះសូមកុំមានការភ័យខ្លាចខ្លាំងពេក ត្រូវរក្សាចិត្តស្រស់ស្រាយ និងមានទឹកចិត្តប្រឹងប្រែងទៅតតាំង។ បច្ចេកទេសកាត់បន្ថយសម្ពាធមានច្រើនក្នុងនោះរួមមាន៖ ធ្វើកិច្ចការដែលអាចអោយអ្នកធូរស្រាលនិងចូលចិត្ត ផ្លាស់ប្តូរអារម្មណ៍ទៅទទួលយករឿងដែលមិនអាចកែប្រែបាន។

ម្យ៉ាងទៀត នៅត្រូវបង្កើនការហាត់ប្រាណ រាល់ថ្ងៃធ្វើការដើរហាត់ប្រាណរត់យឺតៗ ហែលទឹក ជិះកង់ រាំនិងកីឡាផ្សេងៗ។ ក្នុងដំណាក់កាលហាត់ប្រាណអាចបញ្ចេញជាតិពុលពី ក្នុងខ្លួន អាចធ្វើអោយមនុស្សមានអារម្មណ៍ស្រស់ស្រាយ ជួយរក្សាសុខភាពបានល្អ។

ក្រៅពីនេះ នៅត្រូវប្រយ័ត្នក្នុងការគ្រប់គ្រងទម្ងន់ អាហារបំប៉នគ្រប់គ្រាន់ យ៉ាងហោចណាស់ញុំាបន្លែផ្លែឈើ៥០០ក្រាម។ ផ្តល់យោបស់អោយបរិភោគស្ពៃស ការ៉ុត ជីឆាយ ប៉េងប៉ោះ ផ្កាស្ពៃ ម្ទេស ខ្ទឹមបារាំង ខ្ទឹមស ខ្ញី-ល-ដែលមានសារៈប្រយោជន៏ក្នុងការប្រឆាំងមហារីក។ បន្ថែមនូវប្រភេទតៅហ៊ូ និងសារជាតិវីតាមីន។ រាល់ថ្ងៃត្រូវញុំាទឹកពី៨ទៅ១០កែវ ប៉ុន្តែកុំឧស្សាហ៍ញុំាទឹកបន្សុទ្ធ។ នៅត្រូវជៀសវាងអាហារប្រៃខ្លាំង អាហារដុតអាំង កំណត់បរិមាណសាច់ក្រហម(ដូចជា សាច់គោ សាច់ពពែ) កុំសូវពិសារស្រា ត្រូវបំពេញបន្ថែមនូវវីតាមីនD។

អ្នកឯកទេសរោគជម្ងឺមហារីករបស់មន្ទីរពេទ្យក្វាងចូវទំនើបផ្នែកមហារីកផ្តល់យោបល់ថា ៖ មិត្តភក្កិស្ត្រីៗគួរតែចេះពិនិត្យដោយប្រើដៃខ្លួនឯងផ្ទាល់ ស្រលាញ់ការពារដើមទ្រូងខ្លួនឯង សូមធ្វើការពិនិត្យដោយខ្លួនឯងនៅពេលងូតទឹកក្នុងពេលមួយទៅពីរខែម្តង ត្រូវឆាប់បានដឹងថាមានជម្ងឺមហារីកសុដន់។