ការថែទាំអ្នកជម្ងឺមហារីកសួតដំណាក់កាលចុងក្រោយគឺសំខាន់ណាស់ មហារីកសួតវិវដ្តដល់ដំណាក់កាលចុងក្រោយពេលព្យាបាលគឺពិបាកជាងដំណាក់កាលដំបូង។ ថែទាំអ្នកជម្ងឺមហារីកសួតដំណាក់កាលចុងក្រោយយ៉ាងដូចម្តេចជាប្រធានបទដែលយើងលើកមកពិភាក្សានៅក្នុងអត្ថបទនេះ។ អ្នកឯកទេសបានបង្ហាញថាក្នុងជីវភាពរស់នៅប្រចាំថ្ងៃការថែទាំអ្នកជម្ងឺមហារីកសួតដំណាក់កាលចុងក្រោយត្រូវបំពេញចំនុចទាំងនេះ ៖

១.រក្សាបរិយាកាសស្ងប់ស្ងាត់ស្រស់ស្រាយមានផាសុកភាពក្នុងបន្ទប់ កម្រាលពូកត្រូវស្ងួតនិងស្អាតមានអនាម័យ ជាពិសេសអ្នកជម្ងឺមហារីកសួតដែលមិនអាចថែទាំជីវភាពរស់នៅដោយខ្លួនឯងត្រូវជួយត្រលប់ខ្លួនគាត់អោយបានទៀងទាត់ សម្អាតខ្លួនដោយទឹកក្តៅឧណ្ហៗ ការពារកុំអោយកើតបូសខ្នង។

២.កំនត់ផែនការបរិភោគដែលសមរម្យ។ អ្នកជម្ងឺមហារីកសួតដល់ដំណាក់កាលចុងក្រោយជាទូទៅខ្វះខាតជីវជាតិបំប៉នធ្ងន់ធ្ងរ ដូច្នេះការបរិភោគត្រូវមានជីវជាតិសម្បូរបែប មានគោលការណ៍បរិភោគអាហារសាបស្រស់និងមានជីវជាតិខ្ពស់ អាចអោយអ្នកជម្ងឺបរិភោគបន្លែនិងផ្លែឈើស្រស់អោយបានច្រើន តមបរិភោគអាហារជាតិហឹរឬហាំង ឬប្រភេទផ្អាប់ឬមានជាតិរំញោចខ្លាំង ព្រមពេលធានាបានផ្តល់នូវជីវជាតិក៍អាចពង្រឹងសមត្ថភាពប្រព័ន្ធការពាររាងកាយទប់ស្កាត់ជម្ងឺ។

៣.ប្រុងប្រយ័ត្នអង្កេតមើលសកម្មភាពទឹកចិត្តនិងស្មារតីរបស់អ្នកជម្ងឺមហារីកសួតដំណាក់កាលចុងក្រោយ។ អ្នកជម្ងឺមហារីកសួតដំណាក់កាលចុងក្រោយតែងតែធ្វើបាបខ្លួនឯង បោះបង់ខ្លួនឯង បាត់បង់សេចក្តីក្លាហាននិងជំនឿចិត្តក្នុងការរស់នៅ យើងត្រូវបន្តជម្រុញលើកទឹកចិត្តអ្នកជម្ងឺ ផ្តល់ការលួងលោមទឹកចិត្តនិងស្មារតីអ្នកជម្ងឺអោយបានច្រើន បំបាត់ភាពភ័យខ្លាចសេចក្តីស្លាប់របស់ពួកគេ បង្កើតទំនុកចិត្តសម្រាប់អ្នកជម្ងឺមហារីកសួតដំណាក់កាលចុងក្រោយយកឈ្នះជម្ងឺទាំងនេះ។

៤.ជម្រុញលើកទឹកចិត្តអ្នកជម្ងឺធ្វើសកម្មភាពទៅតាមកម្លាំងដែលអាចធ្វើបានក្នុងស្ថានភាពដែលសុខភាពអំណោយផល ធ្វើអោយគាត់អាចឆាប់ចូលទៅក្នុងសកម្មភាពសង្គមបាន តែត្រូវប្រុងប្រយ័ត្នមិនត្រូវសកម្មលើសកម្រិតធ្វើអោយអ្នកជម្ងឺខ្សោះអស់កម្លាំង មិនល្អក្នុងការជាសះស្បើយពីជម្ងឺ។

៥. អង្កេតម៉ត់ចត់អាការៈជីវិតនៃអ្នកជម្ងឺមហារីកសួតដំណាក់កាលចុងក្រោយ។ ដូចជាក្អកមានស្លេះ ត្រូវជម្រុយលើកទឹកចិត្តអោយអ្នកជម្ងឺខាកស្តោះចេញមកដោយខ្លួនឯង ក្នុងករណីចាំបាច់ទើបប្រើឧបករណ៍បូមស្លេះជាជំនួយ។ ពេលគេងសម្រាកត្រូវប្រុងប្រយ័ត្នក្បាលផ្អៀងទៅម្ខាង ការពារកុំអោយស្លេះស្លាក់ធ្វើអោយស្ទះដង្ហើម។ ក្នុងករណីឃើញថាអ្នកជម្ងឺស្រាប់តែបាត់មាត់ក ទឹកមុខប្រែប្រួល ដង្ហើមឈប់ដក ត្រូវប្រញាប់រាយការណ៍វេជ្ជបណ្ឌិតដើម្បីសង្គ្រោះបន្ទាន់។

៦.បំបាត់ការឈឺចុកចាប់អោយទាន់ពេលវេលា។ ចំពោះអ្នកជម្ងឺមហារីកសួតដំនាក់កាលចុងក្រោយឈឺចាប់បណ្តាលមកពីមហារីកធ្វើទុកជ្រួតជ្រាប គួរព្យាយាមបំពេញតម្រូវការបំបាត់ការឈឺចាប់របស់គាត់ កុំខ្លាចភាពញៀនស្រវឹងនៃសារជាតិថ្នាំមំហ្វីនបំបាត់ការឈឺចាប់។ ការបំបាត់ឈឺចាប់គឺជាវិធីសំខាន់ជួយបង្កើនគុណភាពជីវិតដល់ពួកគាត់។

ដូច្នេះ ការថែទាំអ្នកជម្ងឺមហារីកសួតដំណាក់កាលចុងក្រោយមានសារៈសំខាន់ក្នុងការព្យាបាលនិងជាសះស្បើយដែលមិនអាចអត់បាន ការថែទាំបឋមអ្នកជម្ងឺមហារីកសួតដំណាក់កាលចុងក្រោយបានល្អមានប្រសិទ្ធិភាពបង្កើនគុណភាពជីវិតរបស់អ្នកជម្ងឺមហារីកសួតដំណាក់កាលចុងក្រោយ ពន្យាអាយុជីវិត ជាកម្លាំងជម្រុញលើកទឹកចិត្តផ្នែកស្មារតីជាខ្លាំងដល់អ្នកជម្ងឺ។