នៅថ្ងៃទី២១ ខែមិថុនា ឆ្នាំ២០១៤ ឯកឧត្តមវេជ្ជបណ្ឌិតតែ គុយស៊ាងរដ្ឋលេខាធិកាក្រសួងសុខាភិបាលនៃព្រះរាជាណាចក្រកម្ពុជា លោកវេជ្ជបណ្ឌិតជី មានហៀ អគ្គនាយករងបច្ចេកទេសសុខាភិបាល និង លោកវេជ្ជបណ្ឌិត សាន់ សារី ប្រធាននាយកដ្ឋានមន្ទីរពេទ្យបានដឹកនាំកុ្រមគណៈប្រតិភូនៃព្រះរាជាណាចក្រកម្ពុជាសរុបចំនួន១៦រូបមកទស្សនកិច្ចសិក្សាផ្លាស់ប្តូរបទពិសោធន៍បច្ចេកវិទ្យាព្យាបាលមហារីកនៅមន្ទីរពេទ្យក្វាងចូវទំនើបផ្នែកមហារីក។ លោកវ៉ាង ហាយចុងប្រធានមន្ទីរពេទ្យ លោកឈិន ពីងអនុប្រធានមន្ទីរពេទ្យ លោកស្រី សាងលី អគ្គនាយកទទួលបន្ទុកប្រតិបត្តិការអន្តរជាតិ លោកស្រី យ៉ាងជីងណា ប្រធានរដ្ឋបាល និង ក្រុមថ្នាក់ដឹកនាំបានទទួលនូវការមកដល់របស់ភ្ញៀវកិត្តិយសយ៉ាងកក់ក្តៅ។

រូបថតជុំគ្នារវាងក្រុមគណៈប្រតិភូក្រសួងសុខាភិបាលនៃព្រះរាជាណាចក្រកម្ពុជានិងថ្នាក់ដឹកនាំមន្ទីរពេទ្យ

　　សួរសុខទុក្ខអ្នកជម្ងឺ បញ្ជូនក្តីស្រលាញ់ និង ភាពកក់ក្តៅ

　　ព្រឹកថ្ងៃដដែលនោះ ក្រុមគណៈប្រតិភូក្រសួងសុខាភិបាលនៃព្រះរាជាណាចក្រកម្ពុជាបានមកដល់បន្ទប់អ្នកជម្ងឺជាន់ទី៦ដើម្បីសួរសុខទុក្ខ អ្នកស្រី HUN SOPHAL អ្នកជម្ងឺមហារីកសុដន់មកពីប្រទេសកម្ពុជា បានស្វែងយល់ពីស្ថានភាពសុខភាពនិងប្រសិទ្ធិភាពក្នុងការព្យាបាល នៅពេលដែលយល់ដឹងពីការឆ្លងកាត់ព្យាបាលរបស់អ្នកស្រី ដុំមហារីកស្ទើរតែរលាយបាត់ទាំងស្រុង ហើយនឹងអាចចេញពីមន្ទីរពេទ្យត្រលប់ទៅស្រុកកំណើតវិញយ៉ាងឆាប់រហ័ស ក្រុមគណៈប្រតិភូបានរីករាយសប្បាយជួសគាត់យ៉ាងក្រៃលែង។ ចុងបញ្ចប់ ឯកឧត្តមវេជ្ជបណ្ឌិតតែ គុយស៊ាងរដ្ឋលេខាធិកាបានផ្តល់នូវអំណោយជូនដល់អ្នកស្រី HUN SOPHAL ស្របពេលជាមួយគ្នានោះ ឯកឧត្តមក៏បានផ្តល់រង្វាន់“ក្លាហានប្រឆាំងមហារីក” អាហារប៉ូវសុខភាព និង ផ្កាស្រស់។ សង្ឃឹមថាគាត់នឹងអាចក្លាហានបន្តនឹងប្រឆាំងមហារីក ថែមទាំងជូនពរគាត់ឆាប់ជានិងសុខភាពល្អ! អ្នកស្រីមានអារម្មណ៍រំជួលយ៉ាងក្រៃលែង ប្រឈមនឹងថ្ងៃអនាគត គាត់ពោរពេញទៅដោយក្តីសង្ឃឹម។

សួរសុខទុក្ខអ្នកជម្ងឺមហារីកសុដន់ HUN SOPHAL មកពីប្រទេសកម្ពុជា

ឯកឧត្តមតែ គុយស៊ាងរដ្ឋលេខាធិការផ្តល់ពានរង្វាន់អ្នកក្លាហានប្រឆាំងមហារីកជូនដល់អ្នកជម្ងឺមហារីកសុដន់ HUN SOPHAL

　　ស្វែងយល់គ្នាទៅវិញទៅមក បង្កើនមិត្តភាពជ្រាលជ្រៅ

　　នៅបន្ទប់ប្រជុំជាន់ទី២នៃអាគាររដ្ឋបាល លោកវ៉ាង ហាយចុងប្រធានមន្ទីរពេទ្យ លោកឈិន ពីងអនុប្រធានមន្ទីរពេទ្យ លោកស្រី សាងលី អគ្គនាយកទទួលបន្ទុកប្រតិបត្តិការអន្តរជាតិ លោកស្រី យ៉ាងជីងណា ប្រធានរដ្ឋបាល និង ក្រុមថ្នាក់ដឹកនាំបានទទួលនូវការមកដល់របស់ភ្ញៀវកិត្តិយសយ៉ាងកក់ក្តៅ។ ជាបឋម លោកវ៉ាង ប្រធានមន្ទីរពេទ្យតំណាងអោយមន្ទីរពេទ្យបានស្វាគមន៍យ៉ាងកក់ក្តៅនូវការមកដល់របស់ក្រុមគណៈប្រតិភូក្រសួងសុខាភិបាលនៃព្រះរាជាណាចក្រកម្ពុជា។ លោកវ៉ាង ប្រធានមន្ទីរពេទ្យមានប្រសាសន៍ថា មន្ទីរពេទ្យក្វាងចូវទំនើបផ្នែកមហារីកគឺជាមន្ទីរពេទ្យឯកទេសមួយក្នុងការព្យាបាលជម្ងឺមហារីក ចំនុចសំខាន់របស់មន្ទីរពេទ្យគឺព្យាបាលដោយរួមបញ្ចូលវេជ្ជសាស្ត្រចិននិងអឺរ៉ុប ថែមទាំងមានបច្ចេកវិទ្យាចំនួន១២វិធីព្យាបាលដោយស្នាមរបួសតូចបំផុត អាចកែប្រែគុណភាពជីវភាពរបស់អ្នកជម្ងឺដំណាក់កាលកណ្តាល និង ដំណាក់កាលចុងក្រោយ និងជួយពន្យាការរស់នៅបានយ៉ាងល្អក្រៃលែង។ ចាប់តាំងពីការិយាល័យតំណាងនៅប្រទេសកម្ពុជាចាប់ដំណើរការមក មន្ទីរពេទ្យបានទទួលជោគជ័យព្យាបាលអ្នកជម្ងឺកម្ពុជាជិត១០០០លើកមកហើយ។ លោកវ៉ាង ប្រធានមន្ទីរពេទ្យមានប្រសាសន៍ថា ៖ “ខ្ញុំជឿជាក់ថាតាមរយៈវេទិកាផ្លាស់ប្តូរបទពិសោធន៍នេះ យើងទាំងអស់គ្នារួមគ្នាចែករំលែកលទ្ធផលបច្ចេកវិទ្យាទៅវិញទៅមក អាចជំរុញការយល់ដឹង បង្កើនមិត្តភាពជ្រាលជ្រៅ ហើយក៏សង្ឃឹមយ៉ាងស្មោះស្ម័គ្រថាបច្ចេកវិទ្យាដោយស្នាមរបួសតូចរបស់មន្ទីរពេទ្យក្វាងចូវទំនើបផ្នែកមហារីកអាចផ្តល់ផលប្រយោជន៍ដល់ប្រជាជនកម្ពុជាអោយបានកាន់តែច្រើនផងដែរ”។ ស្របពេលនោះ ឯកឧត្តមវេជ្ជបណ្ឌិតតែ គុយស៊ាងរដ្ឋលេខាធិកាក្រសួងសុខាភិបាលនៃព្រះរាជាណាចក្រកម្ពុជាក៏តំណាងក្រុមគណៈប្រតិភូធ្វើការថ្លែងសុន្ទរកថា ៖ ជាបឋម ឯកឧត្តមបង្ហាញពីក្រុមគណៈប្រតិភូពិតជាមានអារម្មណ៍រំភើបរីករាយយ៉ាងក្រៃលែងដែលអាចមកធ្វើការទស្សនកិច្ចសិក្សាផ្លាស់ប្តូរបច្ចេកវិទ្យានៅមន្ទីរពេទ្យក្វាងចូវទំនើបផ្នែកមហារីក និងរៀបរាប់ត្រួសៗពីស្ថានភាពព្យាបាលមហារីកនៅប្រទេសកម្ពុជា។ ឯកឧត្តមយល់ឃើញថា សកម្មភាពផ្លាស់ប្តូរបទពិសោធន៍លើកនេះបើនិយាយចំពោះអ្នកឯកទេសជម្ងឺមហារីកនិងមន្ត្រីក្រសួងសុខាភិបាលប្រទេសកម្ពុជាគឺសុទ្ធតែជាឱកាសល្អក្នុងការសិក្សាបច្ចេកវិទ្យាព្យាបាលមហារីកដ៏ទំនើបឈានមុខ ស្របពេលជាមួយគ្នានេះក៏អាចជួយបានយ៉ាងធំធេងនូវការអភិវឌ្ឍន៍ផ្នែកជម្ងឺមហារីកនៅប្រទេសកម្ពុជាផងដែរ។ ចុងបញ្ចប់នៃកិច្ចប្រជុំ ភាគីទាំងសងខាងបានជូនវត្ថុអនុស្សាវរីយ៍ទៅវិញទៅមក លោកវ៉ាង ប្រធានមន្ទីរពេទ្យតំណាងអោយមន្ទីរពេទ្យជូនភាជន៍បរិភោគតែដែលជាលក្ខណៈពិសេសរបស់ប្រទេសចិនចំនួនមួយឈុតជូនដល់ឯកឧត្តមតែ គុយស៊ាង។ ឯកឧត្តមតែ គុយស៊ាងបានជូននូវរូបចម្លាក់អង្គរវត្តប្រទេសកម្ពុជាជូនដល់មន្ទីរពេទ្យ។ ស្របពេលជាមួយគ្នានោះ មន្ទីរពេទ្យក៏បាននាំយកអំណោយបន្តិចបន្តួចដ៏ស្រស់ស្អាតជូនដល់ក្រុមគណៈប្រតិភូនីមួយៗផងដែរ។

　លោកវ៉ាង ប្រធានមន្ទីរពេទ្យជូនភាជន៍បរិភោគតែដល់ឯកឧត្តមតែ គុយស៊ាងរដ្ឋលេខាធិការ

ឯកឧត្តមតែ គុយស៊ាងរដ្ឋលេខាធិការជូនរូបចម្លាក់អង្គរវត្តដល់លោកវ៉ាងប្រធានមន្ទីរពេទ្យ

　　ផ្លាស់ប្តូរបទពិសោធន៍បច្ចេកវិទ្យាទំនើបឈានមុខ ផ្តល់ផលប្រយោជន៍ដល់ប្រជាជនកម្ពុជា

　　នៅបន្ទប់ប្រជុំជាន់ទី៩ គណៈប្រតិភូក្រសួងសុខាភិបាលនៃព្រះរាជាណាចក្រកម្ពុជាបានទស្សនានូវវីដេអូស្តីពីបច្ចេកវិទ្យាក្នុងការព្យាបាលមហារីកតាមវិធីចាក់បញ្ចូល វិធីព្យាបាលដោយគ្រាប់អនុភាគ វិធីព្យាបាលកករំលាយ-ល- បានយល់យ៉ាងស៊ីជម្រៅពីបច្ចេកវិទ្យាប្រឆាំងមហារីករបស់មន្ទីរពេទ្យយើងខ្ញុំ។ ពេលទស្សនាចប់ លោកសាស្រ្តាចារ្យផឹង ស៊ាងឆឹ អ្នកឯកទេសផ្នែកមហារីកនៃមន្ទីរពេទ្យក្វាងចូវទំនើបផ្នែកមហារីកក៏បានពន្យល់បកស្រាយយ៉ាងលំអិតដល់គណៈប្រតិភូពីបច្ចេកវិទ្យា៣ប្រភេទថាតើស័ក្តិសមនឹងជម្ងឺមហារីកណាមួយ គន្លឹះសំខាន់នៃបច្ចេកវិទ្យានីមួយៗនិងលក្ខណៈសម្បត្តិនៃបច្ចេកវិទ្យាដោយស្នាមរបួសតូចបំផុត-ល- ព្រមទាំងឆ្លើយតបនូវសំណួរដែលបានចោទសួរពីក្រុមគណៈប្រតិភូផងដែរ។ តើមានភាពខុសគ្នាដូចម្តេចខ្លះទាក់ទងនឹងការព្យាបាលដោយការចាក់បញ្ចូលបិទសរសៃឈាម និង ការចាក់គីមីធម្មតា លោកសាស្ត្រាចារ្យផឹង បានលើកឡើងនូវសំណួរនេះ ៖ “ការចាក់គីមីធម្មតាគឺឆ្លងកាត់ការចាក់ថ្នាំគីមីចូលទៅក្នុងសារពាង្គកាយ ថ្នាំគីមីជ្រាបចូលដុំមហារីកបានតិច ហើយក៏អាចបំផ្លាញដល់កោសិកាធម្មតាផងដែរ ធ្វើអោយមានផលប៉ះពាល់ខ្លាំង។ ចំណែកការព្យាបាលដោយចាក់បញ្ចូលបិទសរសៃឈាមគឺថ្នាំគីមីឆ្លងកាត់សរសៃឈាមចូលទៅដុំមហារីកតែម្តង ជាតិថ្នាំគីមីបានទៅបំផ្លាញកោសិកាមហារីកមានកំរិតខ្ពស់ ធ្វើអោយប្រសិទ្ធិភាពព្យាបាលបានលើកកម្ពស់ទ្វេដង ផលប៉ះពាល់តិចតួច ”។ អ្នកឯកទេសជម្ងឺមហារីកនៃប្រទេសកម្ពុជាបានប្រាប់យើងខ្ញុំថា ការផ្លាស់ប្តូរបទពិសោធន៍បច្ចេកវិទ្យាព្យាបាលមហារីកលើកនេះធ្វើអោយពួកគេទទួលបានផលប្រយោជន៍ជាច្រើន។ តាមរយៈការទស្សនាវីដេអូ និង ទំនាក់ទំនងផ្ទាល់ជាមួយនឹងលោកសាស្ត្រាចារ្យផឹង ពួកគេបានពង្រីកការយល់ដឹងបានយ៉ាងច្រើន ព្រមទាំងបានរៀនសូត្រពីចំណេះដឹងបច្ចេកវិទ្យាទាក់ទងនឹងជម្ងឺមហារីកបានជាច្រើនផងដែរ។ ម៉្យាងវិញទៀត មន្ទីរពេទ្យនៅប្រទេសកម្ពុជាបច្ចុប្បន្នមានតែវិធីព្យាបាលមហារីកតាមបែបធម្មតាតែប៉ុណ្ណោះ មិនមានវិធីព្យាបាលចាក់បញ្ចូល ដាក់គ្រាប់អនុភាគ និងវិធីកករំលាយទេ ពួកគេសង្ឃឹមថាតាមរយៈបច្ចេកវិទ្យាប្រឆាំងមហារីកដ៏ទំនើបឈានមុខទាំងនេះនាំមកប្រទេសកម្ពុជា ផ្តល់ផលប្រយោជន៍ដល់ប្រជាជនកម្ពុជាអោយបានកាន់តែច្រើន។

　　ពេលរសៀល គណៈប្រតិភូក្រសួងសុខាភិបាលនៃព្រះរាជាណាចក្រកម្ពុជាមានវត្តមានចូលរួមក្នុងពិធីប្រគល់រង្វាន់ប្រចាំខែមិថុនា “ក្រុមអ្នកក្លាហានប្រឆាំងមហារីកប្រចាំខែ” និងប្រគល់រង្វាន់ដល់ក្រុមអ្នកក្លាហានប្រឆាំងមហារីក ភាពក្លាហានក្នុងការប្រឆាំងមហារីក និង ឥរិយាបថវិជ្ជមានសុទិដ្ឋិនិយមរបស់ពួកគេ ថែមទាំងជូនពរដល់អ្នកជម្ងឺដែលមកចូលរួមក្នុងកម្មវិធីនេះអោយជៀសឆ្ងាយពីជម្ងឺដ៏កាចសាហាវនេះ។ បន្ទាប់មក ក្រោមការដឹកនាំរបស់លោក ឈិនពីង អនុប្រធានមន្ទីរពេទ្យ និង អ្នកស្រីហឺ លាងឆុងប្រធានផ្នែកគិលានុបដ្ឋាយិកា ក្រុមគណៈប្រតិភូបានទស្សនាបន្ទប់ជម្ងឺVIP បន្ទប់អាហាររូបត្ថម្ភចំណីអាហារ បន្ទប់វះកាត់ដោយការចាក់បញ្ចូល មជ្ឃមណ្ឌលទទួលភ្ញៀវអន្តរជាតិ បន្ទប់ធ្វើរោគវិនិច្ឆ័យព្យាបាល និងកន្លែងសេវាកម្មដទៃទៀត-ល- ពួកគាត់បានសរសើរមិនដាច់ពីមាត់ពីបរិយាកាសដ៏កក់ក្តៅនិងសេវាកម្មយ៉ាងយកចិត្តទុកដាក់របស់មន្ទីរពេទ្យក្វាងចូវទំនើបផ្នែកមហារីក។ ចុងបញ្ចប់ ក្រុមគណៈប្រតិភូទស្សនាការសំដែងរបាំថៃជីទាំងអស់គ្នា។

ក្រុមគណៈប្រតិភូក្រសួងសុខាភិបាលនៃព្រះរាជាណាចក្រកម្ពុជាទស្សនាវីដេអូបច្ចេកវិទ្យាដោយស្នាមរបួសតូច

                                                                                       អ្នកឯកទេសផ្នែកមហារីកនៃប្រទេសកម្ពុជាចោទសួរសំណួរដល់លោកសាស្ត្រាចារ្យផឹង

　　　លោកសាស្ត្រាចារ្យផឹងឆ្លើយតបសំណួរដល់ក្រុមគណៈប្រតិភូក្រសួងសុខាភិបាលនៃព្រះរាជាណាចក្រកម្ពុជា

អ្នកក្លាហានប្រឆាំងមហារីក ឈិនម៉ីអ៊ីងបានសរសេរលិខិតថ្លែងអំណរគុណ

លោកវេជ្ជបណ្ឌិត សាន់ សារី ប្រធាននាយកដ្ឋានមន្ទីរពេទ្យ អ្នកស្រីហឺ លាងឆុងប្រធានផ្នែកគិលានុបដ្ឋាយិកាប្រគល់រង្វាន់ដល់អ្នកក្លាហានប្រឆាំងមហារីក

　　                                                                                ក្រុមគណៈប្រតិភូក្រសួងសុខាភិបាលនៃព្រះរាជាណាចក្រកម្ពុជាទស្សនាការសំដែងរបាំថៃជី