ចង់មានសុខភាពល្អការពារមហារីក ត្រូវបរិភោគបន្លែផ្លែឈើអោយបានច្រើន សារមួយនេះបានរន្ទឺពាសពេញពិភពលោក។ ដូច្នេះ បន្លែណាខ្លះដែលអាចការពារជម្ងឺមហារីក? ក្នុងអត្ថបទនេះ វេជ្ជបណ្ឌិតនៃមន្ទីរពេទ្យក្វាងចូវទំនើបផ្នែកមហារីកសូមធ្វើការណែនាំពីសារធាតុការពារមហារីកដែលមានក្នុងបន្លែ។

សារធាតុការពារមហារីកក្នុងបន្លែទី១ ៖ សារធាតុបង្អាក់មហារីក

សារធាតុនេះអាចរំញោចជម្រុញកោសិកាខ្លួនឯងបង្កើតជាសារធាតុរំខាន មានប្រយោជន៍បង្កើនប្រព័ន្ធរាងកាយពង្រឹងសមត្ថភាពទប់ទល់ការឆ្លងមេរោគ និងទប់ស្កាត់ការវិវត្តកើនឡើងនៃកោសិកាមហារីក។ ប្រភេទបន្លែទ្រើងដូចជាននោង ឃ្លោក ប្រភេទបន្លែមើមដូចជាឆៃថាវក្រហម ស ការ៉ុត ឬការ៉ុតខៀវ សុទ្ធតែសំបូរទៅដោយជីវជាតិសារធាតុបង្អាក់មហារីក។ ដើម្បីទប់ស្កាត់ជម្ងឺមហារីកមាត់ ប្រព័ន្ធរំលាយអាហារ ក្រពះ និងច្រមុះ គួរបរិភោគឆៅបន្លែសំបូរជីវជាតិដែលបានរៀបរាប់ខាងលើអោយបានច្រើន។

សារធាតុការពារមហារីកក្នុងបន្លែទី២៖ សារធាតុស៊ីតូស្ទឺរ៉ូល

យោងតាមអ្នកវិទ្យាសាស្រ្តនៃមជ្ឈមណ្ឌលស្រាវជ្រាវមហារីកមួយបានស្រាវជ្រាវបញ្ជាក់ឃើញថា ៖ ក្នុងបន្លែមានសារធាតុសំខាន់មួយហៅថាស៊ីតូស្ទឺរ៉ូល ដែលអាចទប់ស្កាត់ការកើតមានមហារីក។ នៅក្រោយពេលផ្តល់ចំណីដល់សត្វដែលមានសារធាតុស៊ីតូស្ទឺរ៉ូលប្រមាណ០.២ភាគរយ ការកើនរីកលូតលាស់កោសិកាស្បែកលើពោះវៀនរបស់សត្វបានកាត់បន្ថយ៥០%បើប្រៀបធៀបនឹងក្រុមស្រាវជ្រាវផ្សេង។ ការពិសោធន៍មួយផ្សេងទៀត ផ្តល់ចំណីដល់សត្វដោយមានសារធាតុនីត្រូសូរួមផ្សំដែលអាចកើតមហារីក រួចផ្តល់ចំនីដែលមានសារធាតុស៊ីតូស្ទឺរ៉ូល ក្នុងនោះ១ភាគ៣នៃសត្វបានកើតមហារីក ឯក្រុមសត្វដែលមិនផ្តល់ចំនីសារធាតុនោះមានចំនួនលើសពាក់កណ្តាលកើតមហារីក។

សារធាតុការពារមហារីកក្នុងបន្លែទី៣ ៖ សារធាតុបិដ្ឋជាតិ និងលីកូប៉ាន

អ្នកវិទ្យាសាស្ត្រជប៉ុនបានស្រាវជ្រាវរកឃើញថា ក្នុងឆៃថាវមានសារធាតុបិដ្ឋជាតិមួយប្រភេទដែលអាចបន្សាបសារធាតុពុលនៃនីត្រូសាមីននិងបែនហ្សូពីរ៉ែនដែលអាចទប់ស្កាត់មិនបណ្តាលអោយកើតមហារីក ហើយទទួលបានប្រសិទ្ធភាពខ្ពស់។ ក្រៅពីនេះ សាឡាត់ សណ្តែកបារាំង សណ្តែកបណ្តុះ ល្ពៅសុទ្ធតែមានបិដ្ឋជាតិដែលបំបែកនីត្រូសាមីន មានប្រសិទ្ធភាពទប់ស្កាត់ការកើតមានមហារីក។ ម្យ៉ាងវិញទៀត យោងតាមការស្រាវជ្រាវរបស់អាមេរិកបានបញ្ជាក់ថា ញ៉ាំប៉េងប៉ោះច្រើនអាចកាត់បន្ថយអត្រាកើតជម្ងឺមហារីកក្រពេញប្រូស្តាតនិងមហារីកលំពែង។ លទ្ធផលស្រាវជ្រាវបង្ហាញថា អ្នកដែលញ៉ាំអាហារមានប៉េងប៉ោះលើសពី១០ដងក្នុង១សប្តាហ៍ បើធៀបនឹងអ្នកមិនញ៉ាំអាហារមានប៉េងប៉ោះ អត្រាកើតជម្ងឺមហារីកក្រពេញប្រូស្តាតអាចថយចុះ៤៥%។ សារធាតុការពារមហារីកនៃប៉េងប៉ោះជាសំខាន់មានសារធាតុលីកូប៉ាន វាអាចមានប្រសិទ្ធភាពទប់ស្កាត់ការបំផ្លាញការចម្លងឌីអិនអេក្នុងខ្លួនមនុស្ស ព្រមទាំងទប់ស្កាត់ម៉ូលេគុលដែលបណ្តាលអោយកើតមានមហារីក។