ជំងឺជាច្រើនសុទ្ធតែមានប្រភពអាចរកឃើញ ជាពិសេសគឺជំងឺមហារីក វាមិនមែនកើតឡើងតែមួយថ្ងៃនោះទេ គឺវាកើតឡើងមានផលវិបាករយៈពេលយូរឆ្នាំ។ នៅពេលដែលរាងកាយរបស់មនុស្សមួយចំនួនមានរោគសញ្ញាមិនស្រួល ត្រូវតែប្រញាប់ប្រញាល់ទៅមន្ទីរពេទ្យទទួលការព្យាបាលឲ្យបានទាន់ពេលវេលា មធ្យោបាយដ៏ល្អបំផុតគឺជួបប្រទះភ្លាម ព្យាបាលភ្លាម។ នៅពេលដែលរាងកាយរបស់អ្នកមានរោគសញ្ញាដូចខាងក្រោមនេះដាច់ខាតមិនត្រូវធ្វេសប្រហែសឡើយ។

១.ពេលព្រឹក ស្លេសដំបូងអាចមានឈាម ឬឈឺមួយចំហៀងក្បាល ហឹងត្រចៀកមួយចំហៀង ការស្តាប់ធ្លាក់ចុះ ផ្នែកកមានដុំសាច់ហើម។

២.ប្រជ្រុញខ្មៅស្រាប់តែរីកឡើងធំ ផ្នែកខាងក្រៅមានដាច់រលាត់និងជ្រាបទឹក ឬរលួយស្អុយ មានពណ៌ខៀវងងឹត ផ្នែកខាងក្រៅនៃប្រជ្រុញខ្មៅដែលមានរោមជាប់ក៏បានជ្រុះអស់។

៣.ផ្នែកនីមួយៗនៃរាងកាយលេចឡើងនូវដុំសាច់ដែលមិនមានពណ៌ក្រហម មិនឈឺចាប់ ឬមិនក្តៅ និងរីកកាន់តែធំទៅៗ។ អ្នកឯកទេសនៃមន្ទីរពេទ្យក្វាងចូវទំនើបផ្នែកមហារីកបានដាស់តឿនថា ប្រសិនបើរាងកាយលេចឡើងនូវដុំសាច់ដែលមិនមានការឈឺចាប់ គួរតែមានការប្រុងប្រយ័ត្នឲ្យបានខ្ពស់។

៤.បត់ជើងតូចឈាមដោយមិនឈឺចាប់ ជួនឈឺចាប់ម្តងម្កាល។

៥.ពេលបរិភោគអាហារ អាហារដែលចូលទៅតាមរយៈបំពង់អាហារមានអារម្មណ៍ដូចជាមិនរលូន ដកដង្ហើមមិនរួច មិនស្រួលពេញទ្រូង ការលំបាកក្នុងការលេបនិងបានកើនឡើងជាបន្តបន្ទាប់។

៦.លើរាងកាយលេចឡើងនូវស្នាមរបួសមិនព្រមជា កើតមានដំបៅ។

៧.អ្នកជម្ងឺដែលមានថ្លើមប្រភេទបេ និងថ្លើមប្រភេទសេ ផ្នែកថ្លើមលេចឡើងមិនស្រួល មានការឈឺចាប់ផ្នែកស្មាខាងស្តាំ ហើមពោះ អាហារថយចុះ មានដុំសាច់ហើមផ្នែកពោះលើខាងស្តាំ ឬអ្នកដែលមិនមានអាការៈរលាកថ្លើម លេចឡើងនូវការកើតលឿងលើភ្នែក និងស្បែក។

៨.រាងកាយលេចឡើងនូវបាតុភូតការរំលាយអាហារមិនល្អជាប្រចាំ ក្រពះបានផ្លាស់ប្តូរការឈឺចាប់ ហើមពោះ ការបាត់បង់នៃចំណង់អាហារ ការបាត់បង់ទំងន់ ភាពស្លេកស្លាំង។

៩.អ្នកឯកទេសនៃមន្ទីរពេទ្យក្វាងចូវទំនើបផ្នែកមហារីកបានបង្ហាញថា ប្រសិនបើសម្លេងលេចឡើងនូវការស្អកស្អាររយៈពេលលើសពី៤សប្តាហ៍ជាប់គ្នាឡើងទៅ ផ្នែកទ្រូងមានការឈឺចាប់ជាប់ ក្អកជាញឹកញាប់ ស្លេសមានឈាម យល់ល្អទៅកាន់មន្ទីរពេទ្យដើម្បីធ្វើការពិនិត្យផ្នែកបំពង់ក។

១០.មានការស្រកទម្ងន់ដោយមិនមានមូលហេតុច្បាស់លាស់។

១១.បត់ជើងធំមានឈាម លាមករឹង និងរាគដោយមិនមានមូលហេតុច្បាស់លាស់ ទម្លាប់នៃការបត់ជើងធំមានការប្រែប្រួលឬរូបសណ្ឋាននៃលាមកជួនរឹងជួនទន់ អ្នកជម្ងឺឬសដូងបាតដែលបត់ជើងចេញឈាមដោយធ្វើការព្យាបាលគ្មានប្រសិទ្ធភាព។

១២.រដូវមានឈាមច្រើនខុសប្រក្រតី ហូរឈាមតាមទ្វារមាសមិនទៀងទាត់ ទាក់ទងនឹងហូរឈាមតាមទ្វារមាស ក្រោយពេលអស់រដូវហូរឈាមតាមទ្វារមាស។

ជាការពិតណាស់ មិនមែនមានន័យថា រោគសញ្ញាដែលមានដូចខាងលើគឺស្មើនឹងកើតមានមហារីកនោះទេ រោគសញ្ញាទាំងនេះក៏អាចកើតឡើងដោយសារតែជំងឺប្រភេទស្លូតផ្សេងទៀតផងដែរ។ ទោះជាយ៉ាងណា អ្នកជំនាញផ្នែកមហារីករបស់មន្ទីរពេទ្យក្វាងចូវទំនើបណែនាំថា៖ នៅពេលដែលមានសញ្ញាណបញ្ជាក់ជាមុនឬមិនស្រួល មិនត្រូវមានការធ្វេសប្រហែសឡើយ គួរតែទៅមន្ទីរពេទ្យសំរាប់ការព្យាបាលទាន់ពេលវេលា។ ជាការពិតណាស់ ក៏មិនត្រូវភ័យពេកនិងតុកស្លុតពេកផងដែរ។